Job 14

1 Numei sunga suak mihing ni
tawmno sung nungta-in lungkhamna tawh kidim hi. ^a
2 Amah pak bangin palh a, a vulmang hi; ^b
niliim pai tawh kibanga, a kip kei hi. ^c
3 A tuaci mi ^{▼▼14.3 Septuagint, Vulgate le Syriac; Hebrew ah kei} khat mitkhah loin en na hiam? ^e
Na mai-ah thu kikhen dingin amah tun ding na hiam? ^f
4 A siang lo panin a siangah kua in tun thei ahi hiam? ^g
Kuamah in tun thei kei! ^h
5 Mihing nite kiseh khin hi;
a kha phazah na ciangtan-a,
ama khansak theih loh dingin na ciangtan khin hi. ⁱ
6 Tua ahi ciangin a kicial mi bangin ^j
ama hun a tun mateng kimuhmawhbawl inla amah guak omsak lel in. ^k
7 “Singkung khat in lametna nei buang hi. ^l
Kiphuktan taleh meng kikin sel pelmawh dinga,
a mengthakte a si kei ding hi. ^m
8 A bulte lei sungah teek dinga,
lei hoih lakah a bulsum a si ding hi; ⁿ
9 tua hi napi tui gimnamin sel a, ^o
singkungno bangin sel to hi. ^p
10 Mihing ahileh si-a, lei sungah kivui hi;
a huu a nunung pen sanga a om nawn kei hi. ^q
11 Tuipi pan tuite a manthan bang ahikeh
guntui kiamkiama tuinuai a keu bangin, ^r
12 mite a kisial khit nak leh a tho kik nawn kei hi;
vante a om nawn loh mateng mite khanglo nawn lo ding ahikeh
a ihmutna pan a kithosak kei ding hi. ^s
13 “Han ^{▼▼14.13 Hebrew ah Sheol} sungah kei hong sel tapeuh inla, ^u
na hehna a dam mateng kei hong selcip hoh ve! ^v
Kei adingin hun khat hong sehsak inla,
kei hong phawk tapeuh in! ^w
14 Mi khat si leh a nungta kik ding hiam?
Haksapi-a ka nasepna pan ^x
hong kithaksuaksak ^{▼▼14.14 Ahikeh khah} ding hun ka ngak ding hi. ^z
15 Nong sam dinga, kong dawng ding hi; ^aa
na khuta na bawlsa a nungtate na ngaih hun om ding hi. ^ab
16 Tua ciangin ka khekhap na sim takpi dinga, ^ac
ahi hangin ka mawhna nong sulzuih nawn kei ding hi. ^ad
17 Ka thupalsatnate ip khat sungah seal kikhencip ding hi; ^ae
ka mawhna nong khuhsak ding hi.
18 “Ahi hangin damdama cim mual a manthan bang le ^af
suangtum a omna pan a kikhin bang, ^ag
19 tui in suangtum a nekmang bang le
tuizeu in leihoih a nawkmang bangin ^ah
mihing lametna na susia hi.
20 Khatvei-a cinkhin dingin amah na zo a, tuateh amah om nawn lo hi; ^ai
ama maipuak na khela na sawlmang hi. ^aj
21 A tapate kipahtawi taleh amah’n a thei kei hi;
amaute kiniam koih taleh amah’n a mu kei hi. ^ak
22 Ama pumpi natna bek thuak a, ^al
amah guak mah a thum hi,” a ci hi. ^am